¤*۞~۩ :::::::: فضفضة :::::::: ۩~۞*¤

[أبو يوسف]

تم فتح هذا الموضوع بإقتراح من العضو

الفقير الي الله

• الملف الشخصي
• مشاهدة مشاركات المنتدى
• رسالة خاصة
• مشاهدة مقالات المدونة
• مشاهدة المقالات
• إضافة إلى قائمة الإتصال

حيث يقوم كل عضو بالدخول وطرح موضوع ويتم مناقشته او طرح اى مشكلة لدى اى عضو يريد ان يفضفض مع
اشخاص يحث انهم يحبونه فى الله

[لك عدت]

بعد حمد الله والصلاة والسلام على رسول الله
وبعد.....
ولأن دى فضفضه فأعذرونى انى هتكلم بالعاميه,
بجد يا أخوانى وأخواتى الافاضل صعب عليا فكره هايله زىّ دى ربنا يكرم الاخ الفقير الي الله
عليها ويجزيه خير الجزاء ,وكمان صعب عليا ال 60 مشاهد اللى فتحوا الصفحه دى قبلى على امل انهم يلاقوا شئ مفيد ,معلومه , موقف ,حكمه,ولا حتى فضول منه,وبعدين يفاجئ بإن الصفحه فارغه.

اذا كنت ذا رأى فكن ذا عزيمةً @ فإن فساد الرأى ان تتردد

بس يا ترى ايه سبب ان الصفحه دى فاضيه مع ان الفكره رائعه
اكيد مش معناها اننا معدناش مشاكل !!
يس ممكن يكون لان الناس فى الفضفضه مذاهب !
أه والله ,اللى مبيحبش يفضفض خالص ,واللى ليه شخص معين بيحب يفضفض معاه
, واللى ميعرفش يبقى فى مشكله الا ولازم يفضفض ولو لاى حد.

بس والله يا جماعه مش ضرورى تبقى مشكله , ممكن يبقى قصة غيرت نظرتك فى امر ما, او قصه توبه ,او حفظ القران ,اوموقف غريب ا,وموقف مع صاحبك,او مع والدك . اي موقف نسفاد منه معلومه ,او نحل بيه مشكله ,او تبقى فيه حكمه تفيد غيرك.

وطبعا اللى عنده مشكله ,اكيد اخواته مش هيسبوه .

ويقول رسولنا الكريم
المؤمن للمؤمن كالبنيان ، يشد بعضه بعضا . ثم شبك بين أصابعه . وكان النبي صلى الله عليه وسلم جالسا ، إذ جاء رجل يسأل ، أو طالب حاجة ، أقبل علينا بوجهه فقال : اشفعوا فلتأجروا ، وليقض الله على لسان نبيه ما شاء

الراوي: أبو موسى الأشعري المحدث: البخاري - المصدر: صحيح البخاري - لصفحة أو الرقم: 6026
خلاصة حكم المحدث: [صحيح]

ولقراءه شئ من فضفضتى لكم زور

http://www.islam2you.com/forums/showthread.php?t=673

وعوزه رأيكم
والسلام عليكم

[العائد الى الله]

المواضيع كتيره قوى والهموم كبيره والفضفضه فيها تاخد وقت طويل قوى

زى
1- ليه مش بنقوم الليل
2- ليه مش بنحفظ قران
3- ليه مش بصلى فى المسجد جماعه
4- ليه هم الدين عندنا مش زى هم الدنيا
5- ليه بتسمع اغانى
6- ليه بتضيع وقتك امام الأفلام والمسلسلات
7- ليه مش بتتصدق وتروح تشوف حال الغلابة الى يقطع القلب
8- ليه مش بتذكر ربنا
9- ليه مش خايف تموت وربنا يسألك سألت نفسك مره هترد تقول ايه

اقول تانى ولا اعمل ايه الناس مضيعه دينها وبقينا على رأى المثل لا دنيا ولا دين يلا بينا نتكلم فى احنا ليه قلبنا قاسى ليه عينا مبتدمعش ليه جلودنا لا تقشعر

[المفوض امره لله]

السلام عليكم ورحمة الله وبركاته ,,, فكرة انا باعملها شخصيا مع زمايلى *** حينما استيقظ لصلاة الفجر امسك تليفونى المحمول وأفضل أرن على كذا صاحب حتى أتأكد انه صحى فى الأول كانت الفكرة صعبة لكن حينما صممت اصبحت ضرورة وأصبح زملائى يقومون بعملها مع اصحابهم ولما أنسى حد يفكرنى تانى يوم *** صحيح كان فيه واحد ولا أتنين فى بدايتها كانوا بيقفلوا التليفون ولكن المهم اننا نساعد بعض على فعل الخير ... وهناك جماعة فى كل مسجد تتبع الجمعية الشرعية تعتكف فى مسجد آخر فى منطقة اخرى ويخرجون الى أهل هذه المنطقة يحسونهم على شحذ الهمم والصلاة ويكون الاعتكاف لمدة ثلاثة أيام فى كل شهر وتلك المجموعة تمر على اهل المنطقة قبل الصلاة بفترة ويكون معهم دليل من النطقة ( هو أدرى بحال أهل منطقته ) هيا نسعى ونعمل بهمة عالية ,, نعود المريض لاننا سنجد الله عنده نساعد المسكين والمحتاج صدقة تنير لنا الطريق نساعد الكبير بالقيام له فى وسائل المواصلات بدلا من ان نغوص فى نوم عميق نميط الأذى عن الطريق , نكثر من ذكر الله ونكثر من الاستغفار وسوف يمدنا الله بالعون والرزق والاولاد فقد قال سبحانه وتعالى فى محكم آياته فىسورة نوح آية 10 , 11 , 12( فقلت استغفروا ربكم انه كان غفارا * يرسل السماء عليكم مدرارا* ويمددكم بأموال وبنين ويجعل لكم جنت ويجعل لكم انهارا *

[لك عدت]

هنا أحكى عن موقف حدث معى وسألت فيه نفسى ما فائده النظرى
اذا لم يكن معه عملى ؟
وكان لى معى نفسى وقفه.
ما حدث هو أنى كنت فى فتره الامتحانات فى العام الماضى,وقبل اخر ماده قررت ان اذهب الى البيت اقضى يوما اروح فيه عن نفسى حتى استطيع ان اكمل الماده الباقيه ,المهم هو انى ذهبت الى منزلنا ,وفى المساء مسكت ريموت الكنترول وأخذت اقلب فى القنوات بدون هدف (عامة احب البرامج ) وتوقفت على قناه غير مشهوره ,

ما أوقفنى هو ان هناك احد المشايخ يلقى محاضره دينيه عن فضل الاستغفار ,ويحكى عن قصه حدثت له شخصياوهى (انه كان يقود سيارته وبجواره زوجته النائمه واذا بسياره اخرى ستصطدم به لا محال , يقول الشيخ فاخذت اقول (استغفر الله ,استغفر الله,استغفر الله) فيقول لادري كيف نفدت انا منه وكيف نفد هو منى.بصراحه لم اكمل المحاضره واكتفيت بهذه القصه.

وفى اليوم التالى وكالعاده ذهب اخى معى الى موقف السيارات لاسافر,ولانى اصاب بالدوار والغثيان ففى الغالب اركب بجوار السائق,ورفض اخى ان يركب احد بجوارى ,المهم اوصلنى اخى ثم عاد ,عندما بدأت السياره ان تتحرك لا ادري لماذا تذكرت مع نفسى قصه الشيخ التى سمعتها بالامس,

لم يمضى على تحرك السياره اكثر من 10 دقائق ,واذا برجل عجوز يعبر الطريق (يبدوا انه ضعيف البصر )نحن نقترب وهو يقترب ,نحن نقترب وهو ايضا مازال يقترب!!!

هل تعتقدوا انى قلت كما قال الشيخ ؟؟؟
الحقيقه .............
لا ولا ادرى لم لا !

اصطدم الرجل بمقدمه السياره رفعته الى اعلى من سرعتها وشرخ زجاج السياره ثم سقط مره اخرى على الارض ؟(منظر بشع )وانا انظر اليه خطوه بخطوه ,انفجرت فى بكاء وصراخ بطريقه هستيريه!!وكأنى انا من صدمته السياره ؟(وطبعا دى خيبه )

خزلتنى نفسى جدا فى هذا الموقف من ناحيه كان يجدر بى ان اكون انا اول من من نزلوا من السياره لاسعاف المريض بحكم الدوره التدريبيه التى قدمها لنا فريق من الهلال الاحمر فى الاسعافات الاوليه ,ومن ناحيه أخرى هذا الدرس الذى سمعته بالامس وكان على بالى من لحظات قبل الحادث؟ماذا كان فائدته؟!

وهنا سألت نفسى ما فائدة النظرى بدون العملى .
صراحة القضيه اخطر من هذا وذاك؟
اذا لم اكن الفاعل ولم اكن المفعول به ,ونسيت (استغفر الله التى تعلمتها بالامس ).
فهل سأتذكر (لا اله الا الله) عندما يأتى ملك الموت ؟؟؟؟؟

وهنا كــــــــــــان لـــــــــى مع نفســــــــــــى وقفه.

واسال نفسك كيف انت فى المواقف ؟
هل عندما بلغك خبر وفاه اعز الاشخاص اليك قلت (انا لله وانا اليه راجعون ) اللهم اجرنا فى مصيبتنا واخلفنا خيرا منها.
؟هل عندما اغضبك احدهم تذكرت (والكاظمين الغيظ والعافين عن الناس ),هل وهل وهل ؟؟؟
وليكن لك مع نفسك وقفه.

[المفوض امره لله]

ابنتتى الفاضلة سلام لك من اعماق قلبى وشكرا لك لانك من انشط اعضاء المنتدى ومواضيعك كلها مفيدة قيمة فيها مواعظ وعبر ومواقف تذكرنا باننا لانساوى شىء وان الذى سينقذنا فى النهايه هو عملنا وعلمنا ادعولك ولنا ولجميع المسلمين بالتثبيت والتعلق بالله وحبه وحب رسوله , بارك الله لك وفيك وربنا يوفقك فى دراستك وتجعلى بعد التخرج عمل كشف مجانى للمحتاجين جزاك الله خيرا

[لك عدت]

بعد حمد الله والصلاه والسلام على رسول الله
كان فى نقطه بسيطه وباب خير ثوابه عظيم ان شاء الله عوزه الفت نظر الشباب من كلا الجنسين ليه ,وهو موضوع بجد مش هيكلفنا كتير فى عمله وان شاء الله يكون لينا فيه ثواب ورد فى قوله تعالى (ومن أحياها فكأنما أحي الناس جميعا ) ـ المائده _
مش هطول عليكم الموضوع هو (التبرع بالدم ) لك ان تتخيل أخى الكريم وأختى الحبيبه قد أيه فى ناس بجد بتكون فى أمس الحاجه وقت العمليات ودايخين على حد فصيله دمه شبه دم العيان وخاصه فى المستشفيات الحكومى وبالأخص كمان فى البلاد اللى حالتها مش قد كده ,وأحسن صدقه اللى تكون وقت حاجه.
وفى كمان عربيات مخصصاها وزاره الصحه بتبقى وقفه فى الميادين والشوارع وامام الجامعات بس معرفش ليه الناس بتقلق منها! (وعشان تكون متطمن لأن مش اى حد بصراحه ينفع يتبرع ,فى هناك شروط حفاظا على سلامه المتبرع وسلامه المستقبل للدم وعشان كمان الارب اللى بيخدوا فيها الدم بيستوردوها غاليه جدا من بره ), الاول فيه اسئله بتجاوب عليها ,بعدين تتاخد منك عينه بسيطه تتقاس فيها نسبه الهيموجلوبين (لو اققل من النسبه المحدده مبيخدوش منك )وفى طبيبب يكشف عليك بعد كده,وبعدين لما يطمنوا خالص يخدوا الدم .
طبعا غير مسموح لك بمغاده العربيه الا لما يطمنوا عليك!!دا غير انك لو عندك اى حاجه لا قدر الله ظهرت فى عينه الدم ,بيتصلوا بيك وبيبلغوك؟
أظن مفيش خوف بعد كده.والرجال مسموح ليهم التبرع كل 3شهور والنساءكل4 شهور.
ارجوا ان الرساله تكون وصلت ,وفقكم الله لما يحب ويرضى ,
وشفى الله مرضى المسلمين وغير المسلمين أجمعين.

[المفوض امره لله]

الابنة الفاضلة جزاك الله خيرا , نعم الرسالة وصلت ولكن الناس لا يخافون من التبرع بالدم على حياتهم أو بخلا بالدم قدر مايخافون ( وهذا يقين لديهم ) أن هذا الدم يذهب الى من لا يستحقونه بالمجان كما تم الحصول عليه بالمجان فتقوم المستشفيات ببيعه لمن يستطيع الدفع ويقولون للغلبان الفقير اشترى أو خلى حد من أهلك يتبرع لك وحتى يجدوا من يكون فصيلته مثله يكون قد قدر الله أمرا كان مقدورا , وانا لله وانا اليه راجعون .. بارك الله فيك واليك ابنتى الفاضلة قصة حقيقية صادف وجود أحد أطرافها ردى عليك .
فى مدينة أسوان مركز دراو وقع حادث تصادم بين سيارتين كان بداخلهم أربعة عشر راكب من بينهم مات خمسة وكان أحد الأربعة عشر ابن شقيق الذى حضر الآن ( أثناء الرد عليك )وكانت حالته حرجة واحتاج لنقل دم وتبرع له أكثر من سبعة أفراد ( علما بأن فصيلة دمه 0 موجب ) وبعد التبرع قاموا بعمل خياطة للكتف الشمال رغم وجود نزيف داخلى وقالوا لأهله أذهبوا به الى مستشفى مبرة أسيوط لاستكمال العلاج وفى أسيوط اكتشفوا وجود نزيف داخلى بالكتف أدى الى ورم به ففتحوا الجرح مرة أخرىوقاموا بعمل الخياطة وطلبوا دم مرة اخرى ولم يجدوا الفصيلة فى أسيوط فأرسلوا لطلبه من مستشفى أسوان ودفعوا للكيس الواحد 300 جنيه ( هذا من واقع حياتنا علما بأن ذلك الدم كانوا قد تبرعوا به أهله لنفس المستشفى وببلاش ولم يستعمله المصاب ) والحمدلله شفاه الله ,,, ادعى معى ابنتى أن يهدى امتى الى فعل الخيرات ومراعاة الضمائر والخوف من العزيز الجبار

[لك عدت]

ممكــــــــــــــن تدعولى !!, صدقا محتاجه دعاؤكم .

[أبو يوسف]

أسأل الله العلي القدير أن يحفظك من كل سوء وأن يفرج همك

وكربك

لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ الله يسر امرك ويجعلك من كل ضيق مخرجا

ويقيكى شر الامراض ويصلح حالك ويوفقك في حياتك العملية والعلمية